Amazon India Will Deliver These Phones In Three Hours

இனி ஆர்டர் செய்தால் 3 மணி நேரத்தில் டெலிவரி: அமேசான் அதிரடி

அமேசானில் இனி ஆர்டர் செய்தால், 3 மணி நேரத்தில் டெலிவரி கொண்டு வரும் முயற்சியில் அமேசான் களம் இறங்கியுள்ளது.

அமேசானில் இனி ஆர்டர் செய்தால், 3 மணி நேரத்தில் டெலிவரி ஆகும் புதிய திட்டத்தைக் கொண்டு வரும் முயற்சியில் அமேசான்களம் இறங்கியுள்ளது. 

ஆன்லைனில் என்ன தான் பொருட்களை ஆர்டர் செய்த பின் அவைகள் டெலிவரி ஆகும் டைம், நாள்கள் தெரிந்தாலும், பல வாடிக்கையாளர்கள், சரியாக டெலிவிரி நேரம் வரும் போது அலுவலகமோ வெளியூரோ செல்ல நேரிடுவதால், டெலிவரி தடைபடுகிறது. 

இக்குறையை போக்கும் விதமாக தற்போது அமேசான் நிறுவனம் ஸ்மார்ட் லாக் என்ற சிஸ்டத்தை அண்மையில் அறிமுகப்படுத்தியது. இதை நமது வீட்டு கதவில் பொருத்திக் கொண்டால், டெலிவிரி ஆகும் நேரத்தில், பாஸ்வேர்டு ஒன்று நமது மொபைலுக்கு வரும். அதை டெலிவரி நபர்களிடம் சொன்னால் போதும். அந்த பாஸ்வேர்டை எண்டர் செய்து, கதவை திறந்து கொண்டு பொருட்களை டெலிவரி செய்யும் தொழில்நுட்பத்தை அறிமுகப்படுத்தியது. 

இந்நிலையில், அமேசான் நிறுவனம் வாடிக்கையாளர்களை மேலும் குஷிப்படுத்தும் வகையில் புதிய முயற்சியில் களம் இறங்கியுள்ளது. அது தான் டெலிவரி டைம். ஆன்லைனில் பொருட்களை ஆர்டர் செய்தால், சட்டென்று கைக்கு வர வேண்டும் என்பதை பல வாடிக்கையாளர்களின் கனவு. தற்போது அந்த கனவு நனவாகப் போகிறது.

அதன்படி, தற்போது அமேசான் கிரேட் இந்தியன் சேல் நடைபெற்றுக் கொண்டிருக்கிறது. இதில் குறிப்பிட்ட வகை ஸ்மார்ட்போன் மாடல்கள் ஆர்டர் செய்தால், அது 3 முதல் 5 மணி நேரத்துக்குள்ளாக டெலிவரி செய்யப்படும். அமேசான் பிரைம் வாடிக்கையாளர்களுக்கு இந்த வசதி இலவசமாக வழங்கப்படுகிறது. மற்ற பொது வாடிக்கையாளர்கள் இந்த வசதியை பெற வேண்டுமென்றால், டெலிவரியின் போது 150 ரூபாய் கூடுதலாக கொடுக்க வேண்டும். இந்த வசதி முதற்கட்டமாக டெல்லியில் மட்டும் உள்ளது. 

விரைவில் இந்த புதிய டெலிவரி சலுகை மற்ற மாநிலங்களுக்கும் படிபடியாக வரும் என்றும், எந்த பொருள் ஆர்டர் செய்தாலும், அதுவும் 3-5 மணி நேரத்தில் கைக்கு வரும் என்றும் எதிர்பார்க்கப்படுகிறது.