Android Warning For Users Over ‘Extremely Powerful’ Fake Google Play Store Scam

கூகுள் பிளே ஸ்டோர் போல அச்சு அசலாக உருவாக்கப்பட்டுள்ள அப்ளிகேஷன், நம் மொபைல் தகவல்களை திருடுவதற்காகவே வைரஸ் பரப்ப தயாரிக்கப்பட்டுள்ளது.

ஆண்ட்ராய்ட் மொபைல்பயனர்களுக்கு பாதிப்பு ஏற்படுத்தும் விதமாக போலியான கூகுள் பிளே ஸ்டோர்உருவாக்கப்பட்டுள்ளதாக எச்சரிக்கை விடுக்கப்பட்டுள்ளது. 

தொழில் நுட்பம் வளர, வளர அதன் மூலம் பல தீய செயல்களும் கூடவே வளர்ந்து வருகின்றன. நாம் நம்மை சரியாக காப்பாற்றிக் கொள்ளாவிட்டால், ஹேக்கர்கள் நம் தகவல்களையும், பணத்தையும் திருடுவது எளிதாகிவிடும். 

போலி கூகுள் பிளே ஸ்டோர் :ஆண்ட்ராய்ட் பயனர்கள் அனைவரும் கூகுள் பிளே ஸ்டோருக்கு சென்று ஏதெனும் அப்ளிகேஷன் வேண்டும் என்றால் பதிவிறக்கம் செய்து கொள்கிறோம். ஆனால் நம் தகவல்களை திருடுவதற்காகவே சில ஹேக்கர்கள், போலியான அச்சு அசலாக கூகுள் பிளே ஸ்டோர் போன்று உள்ள செயலியை தயார் செய்துள்ளனர். 

இதை தெரியாத்தனமாக பதிவிறக்கம் செய்தால், அதன் மூலம் பரப்பப்படும் வைரஸ் பைல், நம் மொபைலில் சேமித்து வைத்துள்ள மொபைல் எண்கள், வங்கி விபரம், ரகசிய பாஸ்வோர்ட்ஸ் உள்ளிட்ட பல விபரங்களை திருடி விடும் ஆபத்து உள்ளதாக நிபுணர்கள் தெரிவிக்கின்றனர்.

இந்த அப்ளிகேஷன் சோதனை முறையில் உள்ளதாகவும், சோதனையில் இருக்கும் போதே பலருக்கு சோதனை கொடுத்துக் கொண்டிருப்பதாகவும், அது முழுவதுமாக தயாராகி மொபைல் அப்ளிகேஷனாக வெளிவரும்பட்சத்தில் பல தீவிர விளைவுகள் ஏற்பட வாய்ப்புள்ளதாக வல்லுநர்கள் தெரிவிக்கின்றனர். 

இது ரஷ்ய ஹேக்கர்களின் கை வரிசையாக இருக்கக் கூடும் என சந்தேகிக்கப்படுகிறது. தேவையில்லாத அப்ளிகேஷன்களை உங்கள் மொபைலில் பதிவிறக்கம் செய்ய வேண்டாம் என வல்லுநர்கள் அறிவுறுத்துகின்றனர்.