car sales falls in india due to petrol and diesel price rise || இந்தியாவில் பெட்ரோல் விலையேற்றத்தால் கார் விற்பனை கடும் வீழ்ச்சி

இந்தியாவில் பெட்ரோல் விலையேற்றத்தால் கார் விற்பனை கடும் வீழ்ச்சி

தொடர்ந்து உயர்ந்து வரும் பெட்ரோல் விலையால் இந்தியாவில் கார்கள் விற்பனை கடும் வீழ்ச்சியை அடைந்துள்ளதாக ஆய்வுகள் தெரிவிக்கின்றன.

இந்தியாவின் முன்னணி டீலர்ஷிப் நிறுவனங்கள் கடந்த 2 மாதங்களாக கார்கள் விற்பனையில் தேக்க நிலையை சந்தித்துள்ளன. அதற்கான காரணங்களை பற்றி பார்க்கலாம். 

நாட்டில் எரிபொருட்களின் விலை தொடர்ந்து உச்சத்தில் உள்ளன. மேலும் மக்கள் மத்தியில் கடன் சுமை அதிகரித்து உள்ளது. இதன் காரணமாக பெரும்பாலான கார் டீலர்ஷிப்களில் கடந்த 2 மாதங்களாக கார் விற்பனை மந்தமாகவே உள்ளது. 

கார்கள் விற்பனை குறித்து சமீபத்தில் நடத்தப்பட்ட ஆய்வில், இந்தியாவின் முன்னணி டீலர்ஷிப்புகளில் சுமார் 45 நாட்களுக்கான மாருதி சுஸுகி, மஹிந்திரா, ஹூண்டாய் போன்ற கார்கள் விற்பனையாகமல் இருப்பது தெரியவந்துள்ளது. 

இந்த நிலை தென்னிந்தியாவை விட, வடஇந்தியாவின் பெரும்பாலான மாநிலங்களில் அதிகளவில் உணரப்படுவதாக அந்த ஆய்வில் தெரிவிக்கப்பட்டுள்ளது. வட இந்தியாவில் இது ஷாரத் காலமாகும். இந்த மாதத்தில் மக்கள் அதிக விலை மதிப்புள்ள நிலங்கள், வீடுகள் மற்றும் வாகனங்களை வாங்க மாட்டார்கள என்பது குறிப்பிடத்தக்கது.

இந்தியாவில் அதிக விற்பனையாகும் 5 பயணிகள் கார் டீலர்களிடம் நடத்திய ஆய்வில், சுமார் 45 நாட்களுக்கான மாருதி சுஸுகி மற்றும் மஹிந்திரா கார்கள் இருப்பில் இருப்பது தெரியவந்தது. தொடர்ந்து டாடா மற்றும் ஹூண்டாய் டீலர்களிடம் 35 முதல் 40 நாட்களுக்கான கார்கள் இருப்பில் உள்ளன.