Google Pixel 3 Xl Camera Trouble: Users Complain Of Photos Not Getting Saved

Google Pixel 3 XL கேமராவில் பிரச்னை இருப்பதாகப் புகார்

சமூக வலைத்தளங்களில் வாடிக்கையாளர் பலர் இதுபற்றி கூகுள் நிறுவனத்திடம் புகார்களைப் பதிவுசெய்துள்ளனர். ஆனால், கூகுள் நிறுவனம் இது பற்றி எந்த பதிலும் வழங்கவில்லை.

Highlights

• இந்தப் பிரச்னைக்கு ஆண்ட்ராய்ட் இயங்குதளம்தான் காரணம் என்றும் சில தொழில்நுட்ப வல்லுநர்கள் கருதுகின்றனர்.
• சிலர் கேமராவில் HDR மோட் அணைக்கப்பட்டால் இந்த பிரச்னை ஏற்படுவதில்லை என்றும் சொல்லப்படுகிறது.

கூகுள் நிறுவனத்தின் Pixel 3 XL ஸ்மார்ட்போன் கேமராவில் எடுத்த போட்டோக்களை சேமிப்பதில் பிரச்னை இருப்பதாக புகார் எழுந்துள்ளது. 

கூகுள் நிறுவனத்தின் PIXEL 3 XL மொபைலின் கேமரா உலக அளவில் சிறந்த மொபைல் கேமராக்களில் ஒன்றாக வல்லுநர்களால் மதிப்பிடப்பட்டது. இதில் திடீரென புதிய பிரச்னை ஏற்பட்டிருப்பது அதனை பயன்படுத்தும் வாடிக்கையாளர்களிடம் கவலையை ஏற்படுத்தியுள்ளது. 

கேமராவில் போட்டோ எடுத்ததும் அதனை கேலரியில் போய்பார்த்தால் மாயமாகிவிடுகிறது. இந்தப் பிரச்னைக்கு ஆண்ட்ராய்ட் இயங்குதளம்தான் காரணம் என்றும் சில தொழில்நுட்ப வல்லுநர்கள் கருதுகின்றனர். சிலர் கேமராவில் HDR Mode அணைக்கப்பட்டால் இந்த பிரச்னை ஏற்படுவதில்லை என்றும் சொல்லப்படுகிறது. 

சமூக வலைத்தளங்களில் வாடிக்கையாளர் பலர் இதுபற்றி கூகுள் நிறுவனத்திடம் புகார்களைப் பதிவுசெய்துள்ளனர். ஆனால், கூகுள் நிறுவனம் இது பற்றி எந்த பதிலும் வழங்கவில்லை.