Nokia 8110 4g ‘Banana Phone’ Is Now Available In India

Nokia 8110 4G: இந்தியாவில் விற்பனைக்கு வந்தது நோக்கியா ‘பனானா போன்’!

புதுடெல்லி: நோக்கியாவின் வாழைப்பழ வடிவ 4G மொபைலான பனானா போன் இந்தியாவில் விற்பனைக்கு வந்துள்ளது.

வாழைப்பழ வடிவில் நோக்கியா 4G மொபைலை சில மாதங்களுக்கு முன்பு ஹெச்.எம்.டி. குளோபல் நிறுவனம் அறிமுகம் செய்தது. 

நோக்கியா மொபைல்களைத் தயாரிக்கும் ஹெச்.எம்.டி. குளோபல் நிறுவனம் நோக்கியா 1 (Nokia 1), நோக்கியா 6 (Nokia 6), நோக்கியா 7 பிளஸ் (Nokia 7 Plus), நோக்கியா 8 சிரோக்கோ (Nokia 8 Sirocco) மற்றும் நோக்கியா 8110 4G (Nokia 8810 4G) ஆகிய 5 புதிய மொபைல்கள் அறிமுகம் செய்யப்பட்டது. 

முன்னதாக நோக்கியா 8110 மொபைல் கடந்த 1996ல் அறிமுகமானது. புதுப்பொலிவுடன் தற்போது வெளியான நோக்கியா 8110 மொபைல் 4G வசதி கொண்டது. 'Banana phone' என குறிப்பிடப்படும் இந்த மொபைல் வாழைப்பழம் போல வளைந்திருக்கும். 

இதில், பேசிக் போன் போன்ற கீபேட் மூடப்பட்டிருக்கும். அதை திறந்து மூடுவதன் மூலம் அழைப்புகளை ஏற்கவோ, துண்டிக்கவோ செய்யலாம். இத்துடன் கூகுள் அசிஸ்டெண்ட், கூகுள் மேப், பேஸ்புக், டுவிட்டர், ஆகிய அப்ளிகேஷன்களை டவுண்லோட் செய்யும் வசதியும் உண்டு. ஜிமெயில், அவுட்லோக் போன்ற ஈமெயில் அப்ளிகேஷன்களும் உள்ளன. 

குவால்காம் 205 மொபைல் சென்சார், ஸ்னேக் கேம், நோக்கியாவின் கை (Kai) இயங்குதளம் ஆகியவை உள்ளன. கருப்பு மற்றும் மஞ்சள் நிறங்களில் விற்கப்படும், இதன் விலை ரூ.5,499 என்று நிரண்யம் செய்யப்பட்டுள்ளது. இந்நிலையில் இந்த் மொபைல்கள் நோக்கியா.காம் என்ற இணையதளம் மற்றும், நோக்கியா கடைகளில் நேற்று முதல் கிடைக்கும் என அந்நிறுவனம் தெரிவித்துள்ளது.