There Will Be No Internet Issues In India Says Cyber Security Official || Internet Down: இந்தியாவில் இன்டர்நெட் பாதிக்கப்படுமா?

Internet Down: இந்தியாவில் இன்டர்நெட் பாதிக்கப்படுமா?

உலகம் முழுவதும் இணைய சேவை பாதிக்கப்படும் என கூறப்பட்ட நிலையில், இந்தியாவில் இதனால் எவ்வித பாதிப்பும் ஏற்படாது என தகவல் வெளியாகி உள்ளது.

அடுத்த 48 மணிநேரத்திற்கு, உலகம் முழுவதும் இணைய சேவை பாதிக்கப்படும் என செய்திகள் வெளியான நிலையில், இந்தியாவில் இதனால் எவ்வித பாதிப்பும் ஏற்படாது என தகவல் வெளியாகி உள்ளது. 

பெருகி வரும் சைபர் தாக்குதல்களை தடுக்கும் விதமாக, இன்டர்நெட் கார்பரேஷன் ஆப் அசைண்டு நேம்ஸ் அண்டு நம்பர்ஸ் (ICANN) என்ற அமைப்பு, டொமைன் நேம் சிஸ்டம் மற்றும் இணையதள முகவரி தொகுப்புகளை பாதுகாப்பதற்கான பராமரிப்பு பணிகளை மேற்கொள்ள உள்ளதாக தகவல் வெளியானது. 

அதற்காக, ICANN கிரிப்டோகிராபிக் குறியீடுகளை மாற்றியமைக்கும் பணிகளில் ஈடுபட உள்ளதாக தெரிவிக்கப்பட்டது. இதனால், அடுத்த 48 மணிநேரத்திற்கு உலகம் முழுவதும் இணைய சேவை பாதிக்கப்படலாம் என தகவல் வெளியானது. 

இன்டர்நெட்டே மயம் என இருக்கும் இந்தக் காலத்தில், 48 மணிநேரத்திற்கு இன்டர்நெட் செயல்படாது என வெளியான செய்தி, அனைவர் மத்தியிலும் காட்டுத் தீயாய் பரவி, அதிர்ச்சியை ஏற்படுத்தியது.

இந்நிலையில் ICANN அமைப்பு, செய்திகளில் வெளியானது போல பெரிய அளவில் பாதிப்பு இருக்காது எனவும், சிறிய அளவிலான இடையூறுகள் மட்டுமே ஏற்படும் எனவும் தெரிவித்துள்ளது. 

இந்தியாவைப் பொறுத்தவரையில், ஏற்கனவே தேவையான முன்னெச்சரிக்கை நடவடிக்கைகள் எடுக்கப்பட்டுள்ளதால், இது எவ்வித பாதிப்பையும் ஏற்படுத்தாது என இந்திய சைபர் பாதுகாப்பு ஒருங்கிணைப்பாளர் குல்சான் ராய் தெரிவித்துள்ளார்.